Home / कविता / मिथिला महिमा
मैथिली-कविता
मैथिली कविता

मिथिला महिमा

मिथिला महिमा

मैथिलवंशक अमरसुमन यश इतिहासो अछि गावि रहल ।

अपूर्ण पञ्चम बालक शंकर त्रिलोक महिमा गाबि चुकल ।।

सीता सब मैथिल कन्या छथि पिता जनकपद पाबि चुकल ।

जगदम्बा जनकक आँगनमें बेटी बनि छथि आबि चुकल ।।

त्रिभुवनपति जामाता जिनकर सदेह-विदेह पद पाबि चुकल ।

धनुषयज्ञसँ पुरुषपरीक्षा मैथिल गुण-गौरव पावि रहल ।।

अज्ञानक आकर जग निसृत ज्ञानसुधा छथि पाबि चुकल ।

जगदम्बा उच्चैठ बसलि छथि कालीदासक माय बनलि ।।

शिवशक्ति कोमलकान्ति पदावलि कविकोकिल छथि गाबि चुकल ।

भक्तकवश त्रिभुनपति उगना सेवक बनि छथि आबि चुकल ।।

याज्ञवल्क्य मण्डन वाचस्पतिक मातृत्व मिथिला पाबि चुकल ।

गौतम गङ्गेश भट्टकुमारिल अवतार धरापर पाबि चुकल ।।

गङ्ङा गण्डकि कोसी ओ लक्षमणा जगत विदित बुवि भाबि रहल ।

कमला त्रियुगा अमृता ओ घेमुडा जगबागमती यश गाबि रहल ।।

जय मिथिला मैथिल मैथिली महिमा बनिकऽ आबि चुकल ।

अष्टम अनुसूचिक भाषा बनि मानक गौरव पाबि चुकल ।।

कृष्णकुमार झाअन्वेषक

सम्पादक मैथिली दर्पण

सम्पर्क०९५९४०८६८४८

About admin

Maithili Darpan Admin

2 comments

  1. nice work and thanks for sharing for information

Leave a Reply

Your email address will not be published. Required fields are marked *